Алексей Песошин “Йолдызлык” фестивалендә җиңүчеләргә Президент стипендияләрен тапшырды

(Казан, 1 июнь, “Татар-информ”, Надежда Гордеева). Татарстан Республикасы Министрлар Кабинетында “Созвездие – Йолдызлык” фестивалендә җиңүчеләргә дәүләт стипендияләрен тапшыру тантанасы узды. Фестивальдә беренче урыннарны алучыларга һәм аларның укытучыларына бүләкләрне Татарстан Премьер-министры Алексей Песошин тапшырды.

Республика Хөкүмәте җитәкчесе чарага җыелучыларны Халыкара Балаларны яклау көне белән котлады һәм традиция буенча стипендияләр нәкъ шушы көнне тапшырылуын билгеләп үтте.

Быел фестивальдә 64 меңнән артык талантлы бала катнашуын билгеләп үтте ул.

“Созвездие – Йолдызлык” фестивале 2001 елдан бирле Татарстан Президенты химаясында үткәрелә һәм анда республиканың барлык муниципаль районнарыннан һәм шәһәрләреннән катнашалар.

Җиңүчеләргә ТР Хөкүмәте, ТР Яшьләр эшләре һәм спорт министрлыгы, “Татнефть” ГАҖ акчалата премияләре, ә укытучыларга ТР Мәгариф һәм фән министрлыгы грантлары белән ТР Президенты бүләкләре тапшырылды. Катнашучылар “Хореография”, “Вокаль ансамбльләре”, “Вокал-соло” һәм “Конферанс”номинацияләре буенча бүләкләнде.

“Созвездие – Йолдызлык” республика фестиваль хәрәкәте сәләтле балаларны һәм яшьләрне ачыклауга һәм ярдәм итүгә, шулай ук укытучылар һәм белгечләр педагогик корпусын үстерүгә юнәлдерелгән.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
217
0
0
Комментарийлар (0)
Cимвол калды:
Ринат Рахматуллин үлгән дигән хәбәр таралган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы