Алинә Сафиуллина гаиләсендә зур кайгы

Җырчы Алинә Сафиуллинаның гаиләсендә зур кайгы: аның әбисе үлгән. Бу хакта ул үзе инстаграм битендә язган.

«Китте әбиебез... Бабай янына, Рөстәм абый янына. Үзе әйтмешли, «озыыын гумерләр (үзе шулай әйтә иде бу сүзне) биргән миңа алла бабай, кызым», дип... Кет-кет көлеп тә куя иде ахырдан. Әҗәлне алдаган әлмәндәр сымак.

Озак итеп сөйләп утырырга ярата иде: «Мин бабаеңа 4 ат җигеп төшсәң генә чыгам, дип әйттем. Шуна курә кияүгә алганда бабаең 4 ат җигеп төште», – дип.

Кечкенәдән ашый башлауга бисмилла әйттерә иде, шул арада тәртипсезләнсәң, җилкәдә утыручы, бөтенесен дә язып баручы, фәрештәләр турында сөйләп куя иде. Бөтен белгән догам – әби өйрәткән догалар. Яңалары истә калмый.

Төшкән саен, өйрәткән догаларын сөйләтеп экзамен ала иде. Студент булгач та, авылга кунакка кайтып, «догаларыңны онытмагансыңмы икән, кил, сөйләп күрсәт әле», – дип тагын имтихан тапшыра идем. Ничәмә ничә тапкыр, сабый баланыэ күңеленә кергәнче кабатланган догалар бит ул...

Урыннары оҗмах түрләрендә булсын» – дип яза җырчы.

Алинә Сафиуллинаның гаиләсенә сабырлык телибез.

Иң мөһим һәм кызыклы язмаларны Татмедиа Telegram-каналында укыгыз


Ошый
647
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы