Алия Карачурина: «Йолдыз чире тиде миңа»

Татар эстрадасаның яшь, талантлы җырчысы Алия Карачурина белән кызыксынучылар шактый күп. Гүзәл хатын-кыз белән ТР һәм БР атказанган җырчысы Ришат Төхвәтуллин арасындагы мөнәсәбәтләре хакында имеш-мимешләр күптән йөри. 

Бүген Алия укучыларын кызыксындырган бер сорауга ачыклык кертте. «Миңа кичә «син усал»,  дип язганнар иде. Элек мин сөйкемле булганмын, ә хәзер йолдыз чире белән авырам, имеш. Иң кызыгы: минем белән беркайчан да аралашмаган һәм таныш булмаган кешеләр мондый нәтиҗәләр ясыйлар», – ди Алия.

Моннан тыш, җырчы бик сирәк усал булам, ди. Гадәттә, аны үпкәләтсәләр, кәефе төшеп, башка кешеләрнең кәефенә тә тәэсир ясый ала. Яисә кылган гамәле җиренә җитмәгән булмаса – шушы очракта гына аның ачуы чыга икән.