Азат Фазлыевны әнисен дәвалауга җыйган акчага машина алуда гаеплиләр

Белүебезчә эстрадабызның парлы дуэты Алсу һәм Азат Фазлыевлар күптән түгел шатлыклы хәбәр белән уртаклашты – гаилә NL бизнес компаниясеннән «Мерседес» машинасы откан.

Бу хакта артистлар үзләренең Инстаграм челтәрләрендә хәбәр итте:

– Күпләрегез белгәндер, кичә безнең гаилә «Мерседес»лы булды. Ә кайчандыр... бу хәтта хыялга да кермәгән машина маркасы. Бу - бары тик тырышлык һәм үҗәтлек нәтиҗәсе. 

Башта бу бизнес белән Алсу шөгыльләнә башлады. Автобонус турында ишеткәнем бар иде, әмма ышанмадым. Алсу өйгә NL әйберләрен ала иде, алар миңа да ошый башлады. Аннары, мин дә бизнеска кереп китәргә булдым. Уңышка ирешкән коллегаларыбызны күреп, без дә тырышып эшли башладык. «Бушка кем машина бирә инде?» – диярсез. Юк, бушка бирмиләр, ә менә эшләгәнгә бирәләр икән.

Гаиләдә булган күңелсез хәлләрне берникадәр җиңәр өчен машинабызны саттык. Ярты ел автомобилебез булмады. Әни моның хакта белде. Мерседес бирәчәкләрен дә белде. «Молодцы! Үзегез ничек телисез шулай эшләгез, беркемне дә тыңламагыз. Бу сезнең тормыш, үзегезчә яшәгез», диде. Нәкъ шул авырлыклар бездән эзләнүне, тырышуны таләп итте. Үзебезне башка өлкәдә сынап караган өчен гаепләмәссез дип уйлыйбыз. Сезгә дә эшегездә зур уңышлар теләп, Фазлыевлар гаиләсе.

Ни кызганыч, башкаларның шатлыгын уртаклаша белү, алар белән бергә сөенә белү бар кешенең дә кулыннан килми шул. Фазлыевлар гаиләсенең сөенеченә көнләшүчеләр дә табылган. Белүебезчә, Азат Фазлыевның әнисе Зөлфирә апа яман авыру белән көрәшкәндә аны дәвалау өчен төрле хәйрия чаралары уздырылды һәм акча җыелды. Әлеге акчаларның бер өлеше Зөлфирә апаны дәвалауга китсә, икенче өлешен Азат белән Алсу мохтаҗларга таратты. Социаль челтәрләрдә гаиләнең яңа машиналы булуы турында шатлыклы хәбәр таралгач, артистларны яңа машина Зөлфирә апага җыелган акчага алынган дип гаепләүчеләр барлыкка килгән.

Мондый нахак сүзләргә түзә алмыйча, Азат үзенең Инстаграм аккаунтында бу мәсьәләгә карата үз фикерен белдерде.

Автор: А.Галимова

Фото: Инстаграм @azatfazlyev

Посмотреть эту публикацию в Instagram

Хәерле кич барыгызга да. Кызганыч, бу көннәрдә негатив комментарийларны күп укырга, ишетергә туры килде. Янәсе, әнине дәваларга дип җыйган акчага машина алганбыз икән... Акланып утырасы килми, әмма ул машинаның ничек безгә килеп эләгүен тирәнрәк фикер йөрткәннәр аңлагандыр. Ә халыктан җыйган акчаны без мотаҗ балаларга таратып бирдек. Моның хакта лентада аерым пост бар. Аннары... Янәсе, әниләре үлде, кырыгы да булмады, ә балалары инде җырлап-биеп йөриләр. Беләсез микән, кайгыдан бераз онытылыр өчен сәхнә - бердәнбер чара. Якыннарыбыз да: "Гастрольләрегезне туктатмагыз, эшләгез", - диделәр. Әни үзе дә, миңа калса, күкләрдән безгә карап сөенә генә. Чөнки ул үзе дә эш яратты. Ярага тоз салмагыз, зинхар ? Мин сезнең берегезгә дә начарлык теләмим... Тормышыгыз матур, мул һәм имин булсын. Амин. #азатфазлыев #алсуазатфазлыевлар

Публикация от Азат Фазлыев (@azatfazlyev)

Иң мөһим һәм кызыклы язмаларны Татмедиа Telegram-каналында укыгыз


Ошый
458
0
0
Комментарийлар (0)
Cимвол калды:
Синнән башка биш ел...
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Антикоррупция
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы