«Балаларым җәлләүгә мохтаҗ түгел»

Узган көнне җырчы Иркәнең инстаграм сәхифәсендә янә видео пәйдә булды. Биредә кызы Әминә май яза.

«Миңа бик кызык әнинең минем кызларны эшкә өйрәтүенә карап тору, дәшмим. Кызлар да шыпырт кына тыңларга өйрәнгәннәр... Вак-төяк авыл эшләрен. Инде җиренә җиткереп эшлиләр...», –  дип яза Иркә.

Кызчыкның май язганын күреп, бер ханым баланы кызганып куя. «Халык, өйрәтегез инде Иркәне ничек интекмичә май басарга, кызын бик җәл», ди ул. Әмма Иркә бу сүзләрне җавапсыз калдырмый: «Минем балаларым җәлләүгә мохтаҗ түгел, Аллага шөкер...», дип җавап кайтара.