«Бу хәбәргә һаман ышанасы килми...»

Кичә Айгөл Бариева инстаграм аша кайгылы хәбәр белән уртаклашты. Дус кызының кызы үлгән.

«Төн уртасында тагын бер бик авыр хәбәр алдым... Институтта бергә укыган, дустым Йолдызымның, менә бу чибәр Назлыгөл исемле кызы, якты дөньялардан 23 яшендә китеп барды...

Күңел ышанмый. Бөтен дөньяга кычкырасы килә... Тукта, 2020. Иң зур хәсрәт бит бу! Бала кайгысын күрергә язмасын беребезгә дә.

Бу былтыр төшкән фотобыз. Бер очраклы очрашуда Назлыгөл минем яныма килеп, Айгөл апа, мин Йолдызның кызы, диде. Мин шаккаткан идем. Әле ул кичне үк Йолдызга синең шундый матур, үсеп җиткән кызыңны күрдем дип языштык. Ә менә бүген, бер ел үткәч төн уртасында елашып, бер сәгать сөйләштек. Таң ата инде, ә йокы кермәс инде бүген. Чөнки бу хәбәргә һаман ышанасы килми...

Бу кайгыларның иң олысы... Бала хәсрәтләрен беребезгәдә күрергә язмасын. Йолдызыма, бар якыннарына бары тик сабырлык телим. Бик авыр кайгыларын уртаклашам. Башка сыймый...Нинди сүзләр язсам да, аз кебек.. Бу чынлап та назлы фәрештәнең урыны оҗмахта, рухы шат булсын!

Урыны оҗмахта, һичшиксез...» – дип яза җырчы.