Букинист Таһир Тайсин Габдулла Тукай китабын гарәп графикасында нәшер итү өчен ярдәм сорый

(Казан, 12 апрель, “Татар-информ”, Алмаз Шиһабетдинов). Казан букинисты Таһир Тайсин Габдулла Тукай иҗатын сөючеләрне шагыйрьнең “Энҗе бөртекләре" китабын нәшер итүдә катнашырга чакыра. Бу хакта ул "Татар-информ" хәбәрчесенә әйтте.

Китап клаудфайдинг, ягъни “өмә” ысулы белән бастырылачак. Бу проект нигезендә башта акча җыела, ә аннары, кирәкле сумма җыелгач, китап бастырылачак. Проектта катнашкан һәр кеше дә бүләккә үз нөсхәсен ала алачак.

Проектның үзенчәлеге – китап гарәп графикасында нәшер ителәчәк. Китапка 70тән артык хикәя кергән.

“Әгәр бөек шагыйрьнең әсәрләрен, үзе язганча, оригинал имләдә укырга теләсәгез, бу проектта сез дә катнаша аласыз”, - ди букинист.

Бер китапны гамәлгә кую өчен 120 сум акча кирәк. Һәр теләгән кеше дә - 120 яки аннан да күбрәк булган сумманы букинистка тапшыра ала.

Таһир Тайсин – букинист. Ул инде 12 ел иске китапларны сатып алып, аларны халыкка сату белән шөгыльләнә. Хәзерге вакытта аның меңгә якын татар китабы бар. Аның сүзләренчә, айга 1-2 татар китабы сатыла. Гадәттә бу - фәнгә, аерым бер һөнәргә карый торган китаплар.

татар-информ

Фото: Расих Фасхутдинов

Иң мөһим һәм кызыклы язмаларны Татмедиа Telegram-каналында укыгыз


Ошый
288
0
0
Комментарийлар (0)
Cимвол калды:
«Синең кебекләр башка юк...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы