«Cин күп балалы ана буласың, ятим итмә...»

Кем генә балачакта үзен төрле профессия кешеләре итеп хис итмәгән, үзен шул рольдә сынап карарга тырышмаган икән. Кызлар күп очракта табиб, укытучы булырга хыяллана, малайлар үзләрен киләчәктә шофер, космонавт, очучы итеп күрә. Танылган алып баручы, Татарстанның атказанган артисты Гөлназ Сәфәрова да үзенең балачагы турында язып чыккан. Ул башка кыз балалар шикелле «принцесса» булып уйнамаган икән. Ул үзен зур уңышка ирешкән хатын-кыз итеп күргән.

«Шул 8-9 яшьләрдә минем уйнагандагы исемем «Анна Бейс» иде, белмим нигә шулай уйлап чыгарганмындыр. Диваннан тиз генә машина ясый идем: руль урынына кәстрүл капкачы, диван янында кабызылган вентилятор, имеш тәрәзә ачык, җилләп барам, тизрәк эшкә ашыгам. Әнинең биек үкчәле түфлиләрен киеп куя идем, косметичкасын «бомбить»итә идем. Бөтен курчаклар арасыннан берсен, иң яхшысын сайлап ала идем, ул Алсу исемле иде, имеш, бер балам бар. Ә калган 10 курчакны сеңлемә бирә идем дә, «син күп балалы ана буласың, ятим итмә курчакларны» дип. Айсылу жәлләп бөтен курчакның әнисе була иде инде. Һәм аңа синең исемең......тадаааам .....«Айсылу Апа» була дип уйлап чыгардым. Гениально. Кызык чаклар, сәгатьләр буе уйнаган вакытлар искә төшеп китте.

P.S ә курчагым Алсу хәзер дә минем белән һәм мин аны бик яратам», дип яза Гөлназ.

Сез балачакта кем булырга хыялландыгыз?

Автор: Г.Шарапова

Фото: saffarka