Дөнья чемпионаты вакытында “Казан Арена”да тамашачылар өчен клиника эшләячәк

(Казан, 30 май, “Татар-информ”, Валерия Белова). Футбол буенча дөнья чемпионаты вакытында “Казан Арена”да тамашачылар өчен клиника эшләячәк. Реанимация белән төп медицина пункты Җанатарлар фестивале мәйданында булачак. Бу хакта “Татар-информ” мәгълүмат агентлыгында матбугат конференциясендә Татарстан сәламәтлек саклау министры урынбасары Илдар Фатыйхов хәбәр итте.

“18 мобиль бригада трибуналарда булачак. Биредә FIFA таләпләре буенча эшләячәкбез. Без берничә тапкыр өйрәнүләр, күнекмәләр уздырдык. Табиблар белән радиоэлемтә ярдәмендә хәбәрләшәчәкбез”, — диде Илдар Фатыйхов.

Футбол буенча дөнья чемпионаты вакытында “Казан Арена” стадионында 11 медицина пункты, шул исәптән тамашачылар өчен төп клиника эшләячәк. 20 мобиль медицина бригадасы, 16 ашыгыч медицина ярдәме бригадасы булачак.

Җанатарлар фестивале мәйданында биш урынга реанимация кровате булган төп медицина пункты ачылачак, биш мобиль медицина бригадасы, шулай ук биш ашыгыч медицина ярдәме бригадасы булачак.

Медицина пунктларында табибларга чит телләрне белүче волонтерлар ярдәм итәчәк. 

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
207
0
0
Комментарийлар (0)
Cимвол калды:
Инде ничәнче көн синсез...
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы