Дөньяның төрле почмакларыннан җыелган татар балалары өчен әдәби-мәдәни квест оештырганнар

Лагерьга Россиянең 23 төбәгеннән, Казахстаннан, Берләшкән Гарәп Әмирлекләреннән татар балалары килгән.

Татарстан Республикасы Милли китапханәсе хезмәткәрләре "Заречье" лагеренда дөньяның төрле почмакларыннан җыелган татар балалары өчен әдәби-мәдәни квест оештырганнар. Бу турыда Милли китапханә матбугат хезмәте хәбәр итте.

"Милли китапханә хезмәткәрләре балалар белән "Әдәби-мәдәни квест" уздырдылар. Уен барышында балалар Казан шәһәренең тарихы, татар әдәбияты һәм фольклоры, татар җырлары, татар халкының милли ризыклары турында бик күп кызыклы мәгълүмат алдылар. Әлеге уен аша татар мохитенең бөтен нечкәлекләре белән таныштылар. Балаларга уен бик ошады, барысы да бик теләп катнаштылар", диелгән әлеге хәбәрдә.

  • 22 июнь - 9 июль көннәрендә бу лагерьда республика күләмендәге "Дуслык" исемле профильле смена эшли. Бу сменаны "Ял" шәһәр үзәге белән берлектә Татарстан Республикасы мәгариф министрлыгы оештырган. Сменага Россиянең 23 төбәгеннән, Казахстаннан, Берләшкән Гарәп Әмирлекләреннән татар балалары килгән.

Аларның төп максатлары ял итү генә түгел, татар телен һәм әдәбиятын, мәдәниятен, тарихын тирәнтен өйрәнү, камилләштерү.

Очрашу лагерьның актларлар залында Татарстан Республикасы Милли китапханәсенең үткәнен һәм бүгенгесен яктырткан фильм күрсәтү белән башланган. Күргәзмәләр һәм мәдәни программалар бүлеге мөдире Г.Габдрахманова һәм татар әдәбияты һәм туган якны өйрәнү бүлеге мөдире Г.Җомаголова Милли китапханәнең эшчәнлеге, фондлары белән таныштырган.

Фото:kitaphane.tatarstan.ru

Татар-Информ

Иң мөһим һәм кызыклы язмаларны Татмедиа Telegram-каналында укыгыз


Ошый
271
0
0
Комментарийлар (0)
Cимвол калды:
Хәнәфи Бәдигыйны соңгы юлга озаттылар
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Световозвращающие элементы на одежде ребенка могут спасти ребенку жизнь
  • Световозвращающие элементы на одежде ребенка могут спасти ребенку жизнь
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы