Елга-күлләрдә су коенганда нинди чирләр эләгергә мөмкин?

Җәй көне Россиядәге күп кенә сулыклар бактерияләр һәм вируслар белән мыжлап тора. Нинди авырулардан куркырга кирәк һәм чир йоктырудан котылып буламы? Лайф шул хакта яза.

Табиблар әйтүенчә, җәйге сезонда ашказаны-эчәк авыруларының күп очрагы су белән бәйле. Аларның кайберләре косу һәм диарея куркынычы гына тудырып калмый, хәтта үлемгә дә китерергә мөмкин. Белгечләр сулыкларга йоктырырга мөмкин булган куркыныч авырулар турында сөйләде.

Дизентерия. Дизентерия китереп чыгара торган шигелл бактериясе төче сулыкларда яши. Су белән кеше организмына үтеп кереп, ул эчәклектә тарала һәм лайланы тышчаны “ашый” торган токсиннар бүлеп чыгара. Дизентерия бик йогышлы һәм ул башланса, карантин кертелә. 

А гепатиты.Табиблар әйтүенчә, гепатитның бу төре киң таралган, ул бик куркыныч һәм суда да озак саклана. Авыру йоктыруның төп сәбәбе – эчә торган һәм техник су белән бәйле проблемалар, шулай ук гигиена кагыйдәләрен һәм санитария нормаларын үтәмәү. А гепатитының беренче билгеләре – бизгәк, бик нык хәлсезләнү, күңел болгану, эч авырту. Авыру аркасында гомуми интоксикация бик тиз барлыкка килә, бавыр зарарлана, сары төшә.

Аденовируслы инфекция.Гаять куркыныч вирус. Суда бик җиңел тарала һәм кеше организмына су коенганда яки кайнатылмаган су эчкәндә эләгә. Еш кына бу чир иске суүткәргечкә вак кына ярыклар аркылы ага торган сулардан эләгә. Аденовирус йоткылыкны, күзләрне һәм ашказанын зарарлый. Бронхит һәм пневмония китереп чыгарырга мөмкин.

Тулырак интертатта

интертат

 

Иң мөһим һәм кызыклы язмаларны Татмедиа Telegram-каналында укыгыз


Ошый
204
0
0
Комментарийлар (0)
Cимвол калды:
«Коткарыплар кала алмадылармы? Эх...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • «Наше время – Безнең заман»
  • «Наше время – Безнең заман»
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы