Елгада су күтәрелеп, 12 баладан торган туристлар төркеме бәлагә тарыган

Биредә телефон эшләмәгәнлектән, алар үзләренең «тозак»ка эләгүе хакында хәбәр итә алмаган.

(Казан, 13 июль, «Татар-информ»). Башкортстанда коеп яуган яңгырлар нәтиҗәсендә Инзер елагсында су күтәрелеп, 12 баладан торган туристлар төркеме бәлагә тарыган. Бу хакта «Башинформ» агентлыгы хәбәр итә.

Башкортстан Республикасы Гадәттән тыш хәлләр буенча дәүләт комитетының Авария-коткару хезмәтендә белдерүләренчә, Уфадагы спорт клубыннан бер төркем бала теркәлмәгән килеш походка киткән. Алар 6 июльдә Белорет районындагы Атыш шарлавыгына барган.

Балалар белән бергә ике олы кеше дә булган. Шарлавыкта булганнан соң, туристлар 9 июльдә кайтырга чыккан. Әмма коеп яуган яңгырлар нәтиҗәсендә Инзер елгасында суның биеклеге күтәрелеп, туристларга юлны ябып куйган.

Биредә телефон эшләмәгәнлектән, алар үзләренең «тозак»ка эләгүе хакында хәбәр итә алмаган. Зур кыенлык белән елганың аргы ягына чыккан башка туристлар коткаручыларга балаларның бәлагә юлыгуын җиткергән.

Урынга килгән коткаручылар балаларны катамаранда икенче ярга чыгарган. Алар барысы да сау-сәламәт.

Фото: pixabay.com

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
369
0
0
Комментарийлар (0)
Cимвол калды:
«Ходай сакласын»: Фирдүс Тямаев халыкны борчуга салган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минем Татарстан
  • Минем Татарстан
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы