Эльмира Каһирова: «Үземнең кем икәнемне үзем дә белмим»

Татарстанның атказанган артисты Филүс Каһировның тормыш иптәше һәм иҗат төркеме җитәкчесе Эльмира Каһирова тамашачыларны кызыксындырган сорауларга җавап бирүне дәвам итә.

Тормыш иптәше белән бергә эшли башлаганын үзе дә аңламыйча кала Эльмира. «Бу эш миңа зур канәгатьлек хисе бирә», – ди ул. Шулай да рәсми рәвештә Эльмираны беркем дә администратор, директор яисә продюсер эшенә билгеләми. Ул «Үземнең кем икәнемне үзем дә белмим», – дип шаярта.

Эльмира үзен директор да, җитәкче дә дип атамый, ул үзен Филүсне һәм аның иҗат төркемен илһамландыручы «муза» дип атый.

«Филүснең эше җырлау һәм иҗат турында уйлау, ә калган мәшәкатьләрне мин үз өстемә алам. Коллективка яңа состав сайлау, репертуар сайлауда да минем сүзем исәпкә алына. Мин һәрвакыт камиллеккә омтылам, көн дә эшебезгә яңалык өстәү турында уйлыйм», – ди Эльмира.

Филүс белән килешмичә бер генә мәсьәләне дә үзе генә чишми Эльмира. Иҗади тормышта төрле хәлләр була, Филүс белән Эльмира бергәләп инде күп каршылыкларны җиңеп чыккан. Бу хакта зур бер китап язарлык. «Филүс Каһиров исемле җырчы тормышының бер өлеше булуыма мин бик бәхетле», – дип төгәлли Эльмира үзенең язмасын.

 

Автор: А.Габдуллина

Фото: Инстаграм @kagirovaelmira86

Иң мөһим һәм кызыклы язмаларны Татмедиа Telegram-каналында укыгыз


Ошый
379
0
0
Комментарийлар (0)
Cимвол калды:
«Усал хатын мужикны чүпрәккә әйләндерә»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Наркотикларга – юк! 12+
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы