Elvin Grey концертында ике гаилә барлыкка килде

Кичә, 1 декабрь көнне «Татнефть Арена» боз сараенда күпләр өчен көтеп алынган вакыйга - эстрадабызның популяр җырчысы Радик Юльякшинның (Elvin Grey) концерты узды. Әлеге концерт «Elvin Grey» музыкаль лейблының туган көне уңаеннан оештырылган иде, биредә Радик үзе һәм аның иҗатташ дуслары (Ябай Малай, Бабек Мамедрзаев, Эльбрус Джанмирзоев һ.б) чыгыш ясады. Радик Юльякшин үзенә бик көчле команда туплаган һәм төркеменә талантлы артистлар җыйган, кайберләре кичә тәүге тапкыр зур аудитория алдында җырлады.

9000 тамашачыны бер тавыштан үзенә кушылып җырлаткан артистны күргәнегез бармы сезнең? Татар эстрадасында мондый артист берәү генә, ул да булса - Радик үзе. Менә нинди була ул тамашачы мәхәббәте. Һәм һәрбер артист өчен иң мөһиме - шул.

Радикның һәм аның иҗатташ дусларының дәртле җыр-биюләреннән тыш бу концертның төп бизәге булып ике көтелмәгән вакыйга торды. Биредә ике гаилә барлыкка килде! Ике йөрәкнең гомерлеккә кавышу мизгелләренең 9 меңнән артык шаһите булды. Сөйгән ярларына өйләнешергә тәкъдим ясаган егетләргә карап, Радик үзенең дә дә өйләнү теләге барлыкка килүе хакында әйтте.

Кыскасы, биредә булган һәркем уңай тәэсир һәм көчле энергия алып кайтып китте. Концертның шау-комы җәмәгать транспортында да сизелгән хәтта. Бүген социаль челтәрләрдә концерттан кайтучыларның трамвайда «Уфтанма» җырын җырлап кайтып килгән видеосы таралды.

Молодец, Радик!

Автор: А.Галимова

Фото: А.Габдуллина

Иң мөһим һәм кызыклы язмаларны Татмедиа Telegram-каналында укыгыз


Ошый
195
0
0
Комментарийлар (0)
Cимвол калды:
Ринат Рахматуллин үлгән дигән хәбәр таралган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы