Элвин Грей ни өчен концертларын туктата?

«Элегерәк язганымча, 2020 елның мартында, мин Казаннан Мәскәүгә яхшы дустым, ВК директорларының берсе янына очтым. Бу пандемия белән чикләү чараларына бер ай кала булды. Роспотребнадзордан штраф алгач, гаҗәпләнүемне күз алдыгызга китерегез, чөнки мине чит илдән Казанга кайтты дип штраф салганнар. Бу факт мине гаҗәпләндерде. Мәскәү, Татарстан күзәтчелек органы өчен «чит ил» булып чыга. Мин судка бирдем һәм җиңдем», – дип аңлатты җырчы.

Радик сүзләре буенча, хәл моның белән тәмамланмаган. Аны һәм аның командасын Татарстан буенча эзәрлекләүләр дәвам иткән. Барлык таләпләр һәм нормалар үтәлсә дә, концертлар вакытында проблемалар килеп чыгып торган.

«Аптыратканы шунда: күзәтчелек органы билгеләнгән вәкаләтләр кысаларында түгел, ә югарыдан кемнеңдер заказы белән эш итә. Хәвефсезлек чаралары тулысынча үтәлсә дә, концертлар берничә тапкыр кичектерелде. Шикле эчтәлек белән мәкалә барлыкка килде (беркем дә аккредитацияләнмәгән булса да), анда барысы да контексттан өзеп алып язылган. Материал судка җибәрелде. Очрашуда катнашкан күзәтчелек органы вәкиленең монологы мине гаҗәпләндерде, мин махсус Татарстан буйлап сәяхәт иткәнмен һәм «COVID-19  белән татар балаларын үтереп йөргәнмен икән». Очрашуга бер айдан артык вакыт үтте, әле карар юк һәм кайчан булачагы билгеле түгел. Судья кинәт ялга китте һәм, шуңа күрә, мөрәҗәгать итә алмыйм».

Җырчы әлеге «икеләтә стандартлар» ситуациясенә нигезләнеп, агымдагы елда Татарстан Республикасындагы барлык концертларын юкка чыгарырга булды.

«Массакүләм мәгълүмат чараларыннан кемдер моны ике республика арасында салкын сугыш башы итеп күрсәтергә тырыша. Мин сезне өметсезләндерергә тиеш. Сугыш булмаячак», – дип ассызыклады җырчы.

Чыганак: Башинформ

Иң мөһим һәм кызыклы язмаларны Татмедиа Telegram-каналында укыгыз


Ошый
1388
0
2
Комментарийлар (0)
Cимвол калды:
«Мин яратып китеп барамын»
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Останови огонь
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы