Филология фәннәре кандидаты килен төшергәндә ипи каптыру дөрес түгел дип саный

(Казан, 5 апрель, “Татар-информ”, Чулпан Шакирова). Филология фәннәре кандидаты Луиза Җамалиева килен төшергәндә ипи каптыру татарга хас күренеш түгел дигән фикердә. Бу хакта ул бүген “Татар-информ” хәбәрчесенә КФУның Татаристика һәм тюркология югары мәктәбендә гаилә йолаларына багышланган ачык дәрестән соң әйтте.

“Килен төшерү фотоларын карый башласаң, бер ямьсез күренешкә тап буласың. Кәләшкә ипи тешләтәләр. Кызганыч, без начар гадәтне тиз сеңдерәбез. Бу – һич кенә дә татар йоласы түгел. Кая инде ул татар хатын-кызына авызын зур итеп ачып ипи кабу? Киленнәр бит йөзләрен күрсәтмәс өчен, яулык чите белән авызларын каплап йөргән. Иренә баш булырга теләп, аннан уздырып, ипи кабу – татар кызларын бизәми. “Ипи-тоз – ачык йөз” дисәләр дә, татар киленнәрен бал-май белән, ак мендәргә бастырып каршы алырга кирәк”, – диде озак еллар студентларга халык авыз иҗаты курсын алып баручы Луиза Җамалиева.

Искәртеп үтик, бүген Г. Тукай исемендәге Татаристика һәм тюркология югары мәктәбендә “Татар халкының гаилә йолалары: элек һәм хәзер” темасына семинар-ачык дәрес узды. Анда никах һәм туй йолаларының элеккеге һәм заманча вариантлары белән танышып, фикер алыштылар.

татар-информ

Фото: Расих Фасхутдинов

Иң мөһим һәм кызыклы язмаларны Татмедиа Telegram-каналында укыгыз


Ошый
261
0
0
Комментарийлар (0)
Cимвол калды:
Күңелсез хәбәр: Хәмдүнә Тимергалиева вафат
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы