Флорид Әгъзамов исемендәге аудитория эшли башлый

(Казан, 10 февраль, “Татар-информ”, Мөршидә Кыямова). 15 февральдә 10:00 сәгатьтә Казан (Идел буе) федераль университетында Флорид Әгъзамов исемендәге аудитория ачу тантанасы була. Бу хакта “Татар-информ” мәгълүмат агентлыгы хәбәрчесенә КФУ Журналистика һәм медиакоммуникация югары мәктәбенең татар журналистикасы кафедрасы мөдире, филология фәннәре докторы, галим Васил Гарифуллин хәбәр итә.

“15 февральдә Казан (Идел буе) федераль университетында Флорид Әгъзамов исемендәге аудитория ачу тантанасы, журналистика һәм медиакоммуникация югары мәктәбе 2018 елның 15 февралендә “Әгъзамов укулары -2018” халыкара фәнни-гамәли конференция башлану уңаеннан оештырыла.

Конференция журналистика факультетының беренче деканы Флорид Әгъзамов истәлегенә багышлап уздырыла.

Конференциядә түбәндәге мәсьәләләр буенча фикер алышу булачак:

– Гаммәви коммуникациянең тарихы һәм хәзерге үсеше;

– Гуманист мирасы: Идел буе милли журналистикасын үстерүдә Ф.И. Әгъзамовның урыны;

- Медиа өлкәсен гуманлаштыру проблемалары;

– Медиалингвистика һәм редакцияләү мәсьәләләре;

– Цифрлы технологияләр чорында визуаль коммуникация: тәҗрибә, системалы характеристикалар, прогнозлар;

– Милли газета-журналлар яңа үсеш модельләрен эзләү юлында;

– Чит илләрнең медиа чараларында кешелек дөньясының глобаль проблемалары яктыртылышы;

– Журналистларны укытуга яңача карашлар.

Конференция татар, рус, инглиз телләрендә алып барыла. Проект авторлары хәбәр иткәнчә, конференциянең материаллары аерым җыентык итеп бастырылачак.

татар-информ

Фото: kpfu.ru

 

Иң мөһим һәм кызыклы язмаларны Татмедиа Telegram-каналында укыгыз


Ошый
223
0
0
Комментарийлар (0)
Cимвол калды:
«Синең кебекләр башка юк...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы