Гөлназ түгәрәкләнгән?

Җырчы пар ‒ Гөлназ һәм Илсур Шәрипҗановлар гаиләсендә бик матур яңалык бар икән бит! Соңгы араларда ыспай гәүдәле Гөлназның киң күлмәкләр киюенә игътибар итүебез нигезсез булмаган. Күптән түгел җырчы үзенең инстаграмында үзе үк сер капчыгын чиште: «Йөрәгем астында нәни йөрәк йөртәм. Шушы ук яңалыкка өстәп, Гөлназ язып та куйган ‒ кеше арасында еш йөрү сәбәпле, «кемне көтәсез?», «кайчан туачак, җенесе кем?», «күпме авырлык җыйдыгыз?» ише сораулар да ишетеп тора икән. Андый артык кызыксынучан «Варваралар»га шәхси сызыкны үтмәскә, вакыты җитүгә бөтенесен дә эсселәтми-суытмый җиткерәчәген белдерә. Ә безгә кем, кайчан, кайда сораулары да мөһим түгел. Иң мөһиме ‒ сау-сәламәт нарасый алып кайтырга язсын, Илсур-Гөлназ! Бәбиләрегезнең игелеген күрегез!

Фото җырчының шәхси аккаунтыннан алынды

 Гөлнара Җәлилова