Гүзәл Уразовага Татарстанның халык артисты исеме бирелүе дөресме?

Кайбер матбугат чаралары, социаль челтәрләрдәге пабликлар Гүзәл Уразовага Татарстан Республикасы Халык артисты исеме бирелү турында хәбәр таратты. Чын хәлме бу? Алайса, ни өчен «Уразова.ру» сайтында бу турыда бер хәбәр дә юк? Гүзәл һәм Илдарның социаль челтәрләрендә дә ләм-мим?

Эш шунда ки, рәсми документка кул кую белән тантаналы рәвештә исем тапшыру арасында күпмедер вакыт уза. «Алдан кычкырган күкенең башы тишелә» дигән әйтем бар халыкта. Гүзәл белән Илдар да итәгатьлек һәм сабырлык саклап, алдан кычкырмаска булганнар. Әмма интернет һәм мессенджерлар заманы бит. Башта Гүзәл Уразовага Татарстанның халык артистын бирергә дигән Президент карары фотосы ватсап аша төрле төркемнәргә таралды, аннары социаль челтәрләрдә, аннары матбугатка да чыкты. 

Инде сер саклаудан мәгънә юк. Гүзәл Уразовага чыннан да Татарстанның халык артисты исеме бирелү турында карар имзаланган. Әмма рәсми рәвештә моны игълан итү һәм исемне тантаналы рәвештә тапшыру әле алдагы көннәрдә генә булачак. Әмма без инде бүген үк Гүзәл Уразованы чын күңелдән котлыйбыз!

Чыганак: urazova.ru

Иң мөһим һәм кызыклы язмаларны Татмедиа Telegram-каналында укыгыз


Ошый
379
0
0
Комментарийлар (0)
Cимвол калды:
Алия белән Ришат бәби үстерә диләр...
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Антикоррупция
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы