Галимҗан Гыйльмановның «Шайтан коткысы» дигән яңа романы

Язучы, шагыйрь, драматург Галимҗан Гыйльманов үзенең «Шайтан коткысы» исемле романын язып бетергән. Әсәр маҗаралы сюжетка корылган. Бу турыда ул «Татар-информ» хәбәрчесенә җиткерде.

«Мин «Шайтан коткысы» исемле романны язып тәмамладым. Бу әсәр минем стилемә хас постмодернистик юнәлештә булса да, чынлыкта ул реалистик эчтәлекле. Романга бик күп идеяләр һәм мәгънәләр салынган. Халыкка бу әсәрне укырга бик кызык булыр дип уйлыйм, чөнки ул маҗаралы сюжетка корылган», ‒ диде Галимҗан Гыйльманов.

Аның сүзләренчә, язучы романын быел бастырып чыгарырга уйлый.

«Бу минем өченче романым булып тора. Аңарчы «Албастылар», «Оча торган кешеләр» романнарын язган идем. «Шайтан коткысы» әсәрен өч ел дәвамында яздым», ‒ дип аңлатты ул.

Галимҗан Гыйльманов ‒ «Тәкъдиргә юл» хикәяләр һәм новеллалар җыентыгы, «Ходай бүләге» повестьлар җыентыгы өчен 2019 елда Габдулла Тукай исемендәге дәүләт премиясенә дәгъва итә.

Чыганак: tatar-inform

Иң мөһим һәм кызыклы язмаларны Татмедиа Telegram-каналында укыгыз


Ошый
364
0
0
Комментарийлар (0)
Cимвол калды:
Инсаф Фәхретдинов: «Хәерчелектә яшәтеп, мактаулы исемнәр белән алдап йөрттеләр»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Наркотикларга – юк! 12+
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы