Гүзәл Баһ: «Балаларым күбәйде»

Гүзәл Баһ инстаграм сәхифәсендә шатлыгы белән уртаклашты. Җырчы көчекләр белән видео урнаштырган.

«Бездә бик күңелле, балаларым күбәйде. Үзем дә кечкенәдән песи, этләргә битараф түгел идем, балаларым да шундый. Кемгә кирәк көчекләр, языгыз»,  – дип яза ул видео астында.

Видеоязмада Баһлар гаиләсе көчекләр ашаталар. Баксаң, Гүзәл махсус алар өчен аш пешергән икән. Илназ: «бездән этләргә гуманитар ярдәм», – ди.

Әлеге язманы караучылар гаиләнең изге гамәлен хупладылар.