Илсөя Бәдретдинова үзендә чир тапкан

Эстрадабызның бердәнбер «атказанмаган» популяр җырчысы Илсөя Бәдретдинова телевизорда бер кызыклы тапшыруга юлыккан. Биредә сакаллы табиб шизофрения авыруының симптомнары белән таныштырган. Әлеге исемлектә иң беренче урында эт, яки мәче, ягъни хайваннар белән сөйләшү тора икән. Менә сиңа кирәк булса! Илсөя Бәдретдинова да әлеге үзенчәлекне үзендә тапкан, күрәсең. «Дальшесын тыңламадым хәттә... Булды инде бу...» – дип яза артист үзенең Инстаграм тасмасында.

Бер дә аптырарлык сәбәп юк, хайваннар белән сөйләшмәгән кешене табарга кирәк әле. Илсөядә генә түгел, иҗатташ дуслары Айгөл Бариева, Илшат Вәлиевтә дә бар икән ул чир. Соңгысы исә, «Сөйләшү генәме... Киңәшләшәбез», – дип комментарий калдырган.

Я, тагын кайсыгызда бар Илсөянең чире?

Автор: А.Галимова

Фото: Инстаграм @ilsiiabadretdinova

Посмотреть эту публикацию в Instagram

Иртә таңнан кирәк идеме инде бу миңа ә?.. Телевизорны ачтым. Тапшыру бара. Сакаллы бер врач абый сөйләп утыра. Шизофрениянең симптомнары: 1. Кеше ,эт яки мәче белән сөйләшә икән. Дальшесын тыңламадым хәттә... Булды инде бу...??? Бармы минем кебек чирлеләр монда?

Публикация от Ильсия Бадретдинова (@ilsiiabadretdinova) 7 Июл 2019 в 11:05 PDT