Илшат Хамадиев: «Озатам сөюемне...»

Татар эстрадасының яшь талантлы җырчысы Илшат Хамадиев күптән түгел тамашчыларына үзенең өр-яңа иҗат җимешен тәкъдим итте. Илшатның «Озатам сөюемне» дип исемләнгән яңа җыры дөнья күргән. «Күптәннән җыр чыгарганым юк иде, бик дулкынланып тәкъдим итәм», – дип язган җырчы үзенең инстаграм челтәрендәге битендә.

Әлеге пост астында Илшатның иҗатына бәя биреп, бик күп матур сүзләр һәм теләкләр килеп ирешкән. 

Афәрин, Илшат. Алга таба да тамашачыларыңны сөендереп тор!

Алсу Габдуллина

Фото – @ilshat.khamadiev