Логотип
Хәбәрләр

Илсур Һадиуллин Бердәм дәүләт имтиханындагы үзгәрешләр хакында хәбәр итте

(Казан, 29 март, “Татар-информ”, Ләйлә Хәкимова). Татарстанда 15 930 укучы Бердәм дәүләт имтиханын тапшырырга җыена. Быел төп дәүләт имтиханнарын үткәрүдә зур үзгәрешләр көтелми. Бу хакта Татарстан Ре...

(Казан, 29 март, “Татар-информ”, Ләйлә Хәкимова). Татарстанда 15 930 укучы Бердәм дәүләт имтиханын тапшырырга җыена. Быел төп дәүләт имтиханнарын үткәрүдә зур үзгәрешләр көтелми. Бу хакта Татарстан Республикасы мәгариф һәм фән министрының беренче урынбасары Илсур Һадиуллин хәбәр итте.

Илсур Һадиуллин әйтүенчә, математика, тарих, биология, география предметлары буенча БДИ тапшыруда үзгәрешләр юк.

“Төп дәүләт имтиханнарын үткәрүдә зур үзгәрешләр көтелми. Быел контроль-бәяләү материаллары аудиториядә бастырылачак, шунда ук таратылып, шунда ук скан аша уздырып, базага кертеләчәк”, - дип билгеләп узды ул.

Бердәм Дәүләт имтиханнарын тапшыруга түбәндәге үзгәрешләр кертелгән.

Рус әдәбиятыннан максималь балл 42дән 57гә җиткән. 17.4нче иншада дүртенче тема кертелгән.

Рус теленнән лексик нормаларны белүгә багышланган бирем өстәлгән. Хәзер сөйләм хатасын табып, аны дөресләргә кирәк булачак.

Информатика предметы буенча БДИ тапшыруда программа мисалларының кайбер өлеше "Си" теленнән "С++" теленә күчерелгән.

Физикадан элек максималь балл 50 булса, хәзер – 52. Астрофизика буенча тагын бер бирем өстәгәннәр.

Химиядән имтиханда 30нчы бирем барлыкка килгән. Иң югары балл элеккечә - 60 балл булып кала.

татар-информ

Фото: Султан Исхаков

Следите за самым важным и интересным в Telegram-каналеТатмедиа

Комментарий юк