Интернетта зур зыян китерә торган яңа вирус таралган

(Казан, 27 февраль, «Татар-информ»). Белгечләр Интернет челтәрендә күпләп зыян китерә торган Data Keeper вирусын тапкан, дип яза «Известия». Вирус компьютерлардагы файлларны шифрлый һәм криптовалютада акча таләп итә.

Белгечләр әйткәнчә, вирус документларның форматын үзгәртми, шунлыктан кайсы файл вирус белән зарарлануын белеп булмый. Моннан тыш, яңа вирус йоктырган кулланучының компьютеры аша тоташкан гомуми Интернет челтәрен дә шифрлый.

татар-информ