Ипотека ставкалары кимергә мөмкин

(Казан, 4 февраль, "Татар-информ"). Level Group генераль директоры Кирилл Игнахин аңлатканча, ставкаларның бер пунктка кимүе, бирелгән кредитлар күләмен 40% ка арттыра. Бу хакта "Известия" хәбәр итә . 

“Әгәр сүз 6-7% дәрәҗәсендәге төп ставка турында барса, кредит бирүнең күләме ике тапкырга артырга мөмкин”, - дип билгеләп үтте ул.

Белгечләр сүзләренчә, соңгы ике елда кредитлар бирү күләме 1,5 тапкырга кимегән. Шулай ук, соралган сумманың уртача күләме үсә.

Tekta Group генераль директоры Роман Сычев ипотека килешүләренең артуын билгеләп үтте.

“Торакка ихтыяҗ беренчел базарда 2017 елда 30% тәшкил итте, ә бер ел алдан аның өлеше 22% иде. Әлеге тренд сакланыр һәм яңа төзелгән йортлардагы фатирларга сорау артыр дип уйлыйбыз”, - дип яза “Вести” белгеч сүзләренә сылтама белән.

2017 ел нәтиҗәләре буенча беренчел базарда ипотека килешүләренең өлеше 35 тән 42% ка арткан.

татар-информ

Фото: Николай Александров