Искәндәр Хәйруллин "Иң яхшы ир-ат роле" номинациясендә “Тантана” премиясенә ия булды

(Казан, 27 март, “Татар-информ”, Рузилә Мөхәммәтова). Илдар Юзеев пьесасы буенча Камал театрында куелган “Ак калфагым төшердем кулдан” спектаклендә Тайфур Кормаш роле өчен Искәндәр Хәйруллин «Иң яхшы ир-ат роле» номинациясендә “Тантана” премиясенә ия булды.

Искәртеп үтәбез, әлеге номинациядә “Тантана” премиясенә Камал театрының тагын бер актеры – Рамил Төхфәтуллин да дәгъва итә иде. “Тантана” экспертлары аның Аяз Гыйләҗев әсәре буенча куелган “Әтәч менгән читәнгә” спектаклендәге Сәлахетдин ролен билгеләп үткәннәр. Минзәлә татар дәүләт драма театрының яшь артисты Рөстәм Зиннуров та, “Һәйкәл” спектакле өчен Буа театры артисты Илфир Солтанов та шушы ук номинациядә “Тантана” премиясе номинантлары арасында иде.

Камал театрында «Тантана» республика театр премиясе тапшыру тантанасы бара. Кичәдә «Тантана» республика театр премиясенең 12 номинациясе буенча лауреатлар бүләкләнә.

Мәгълүмат өчен. «Тантана» - театр сәнгатендәге иҗади һәм иҗтимагый казанышлары өчен ел саен бирелүче профессиональ премия. Ул Камал театры сәхнәсеннән Халыкара театр көнендә тапшырыла.

«Татар-информ» мәгълүмат агентлыгы кичәне онлайн күрсәтә. 

татар-информ

Фото: Салават Камалетдинов

Иң мөһим һәм кызыклы язмаларны Татмедиа Telegram-каналында укыгыз


Ошый
334
0
0
Комментарийлар (0)
Cимвол калды:
«Син җырла, ләкин Хәмдүнә кебек җырлама...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы