Ислам дөньясының иң зур ифтар ашы үтте

Кичә Истанбулда Ислам дөньясының иң зур ифтар ашы узды. Ул Үскүдар районы хакимияте тарафыннан “Катар хәер корылышы”ның ярдәме белән оештырылды.

Босфор яры буенча Үскүдар причалыннан Харәм мәхәлләсенә кадәр сузылган 2 километрлык табында 50 мең кешегә авыз ачарга мөмкинлек бирелде. Бу ифтарга Үскүдар районы хакимият башлыгы Һилми Түркмән истанбуллыларны телефон аркылы үзе чакырды.

“Кардәшлек ифтар табыны” дип аталган бу чара патшакаланың иң матур урынында, тарихи Кыз манарасы, Топ-Капы сарае каршында үтте. Иртәнге сәгатьләрдә ул урынны әзерләр өчен автомобиль юллары ябылды.

Ифтар Коръән уку белән башланып китте.

Табынга су, берничә төр хөрмә, ясмык шулпасы, итле пылау, әйран, пидә кабартмасы, чәй һәм тулумба татлысы тәкъдим ителде.

Ислам дөньясының иң зур ифтарына Төркия энергетика һәм табигый чыганаклар министры Берак Албайрак та катнашты.

Бу олуг табынның хуҗасы буларак Үскүдар районы хакимият башлыгы Һилми Түркмән халык алдында чыгыш ясады. “Бу мөбарәк кич барлык мөселманнарга бердәмлеккә, бердәм булырга сәбәп булсын. Кимсетелгәннәрнең хәлләрен җиңеләйтсен. Барыбызның да күңелләре бер, йөрәге бер, табыны бер, догалары бер булсын”, - диде ул.

Ифтардан соң, якын-тирәдәге мәчетләрдә тәравих намазы кылынды һәм Кадер киче белән бәйле вәгазьләр тыңланып, күмәкләшеп дога ителде. 

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
196
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы