Исламия Мәхмүтова «Намус һәм тугрылык» номинациясендә театр премиясенә лаек булды

(Казан, 28 март, “Татар-информ”, Рузилә Мөхәммәтова). Кәрим Тинчурин исемендәге Татар дәүләт драма һәм комедия театры артисткасы, Россиянең атказанган, Татарстанның халык артисткасы Исламия Мәхмүтова Республика театр премиясенә лаек булды. «Намус һәм тугрылык» номинациясе буенча республика театр премиясен аңа кичә Камал театры сәхнәсеннән тапшырдылар. Номинация лауреатын композитор Мәсгуд Имашев игълан итте.

“Мин татар театрына чаналарда-арбаларда йөреп, 55 ел намуслы хезмәт иттем. Алга таба да исән-сау эшләргә язсын!” – диде ул. Тамаша залы легендар актрисаны аягүрә басып алкышлады.

Мәгълүмат өчен. Россиянең атказанган, Татарстанның халык артисткасы Исламия Мәхмүтова театрда 1963 елдан бирле эшли. Быел 1 декабрьдә аңа 75 яшь тула.

Мәгълүмат өчен. «Тантана» - театр сәнгатендәге иҗади һәм иҗтимагый казанышлары өчен ел саен бирелә торган профессиональ премия. Ул Камал театры сәхнәсеннән Халыкара театр көнендә тапшырыла.

«Татар-информ» мәгълүмат агентлыгы кичәне онлайн күрсәтте.

татар-информ

Фото: Салават Камалетдинов

Иң мөһим һәм кызыклы язмаларны Татмедиа Telegram-каналында укыгыз


Ошый
268
0
0
Комментарийлар (0)
Cимвол калды:
Күңелсез хәбәр: Хәмдүнә Тимергалиева вафат
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы