әйдә барыйк, кино карыйк

Киану Ривз, Элиз Ив катнашуында «Репродукция» фантастик жанрдагы киноны карамадыгызмы әле алай-болай? Авыр фильм, име? Фажига аркасында гаиләсен тулаем югалткан ирнең бөтен барлыгын клонлаштыруга багышлавы, тирән трагедиядә дә сөйгәнен яратудан туктамавы, аңа табынуы... Мин шәхсән бер фикергә килдем ‒ корбаннарга мәхәббәттә күбрәк ирләр бара, тауларны алар күчерә. Искиткеч авыр хакыйкатьтә дә бөртекләп бәхетен төзи... Елап бушанасыгыз, тетрәнәсегез килә икән, кинопрокаттагы «Репродукция»не карар өчен Казан кинотеатрларына ашыгыгыз.

Мәкалә һәм фото авторы: Гөлнара Җәлилова