Җәйге лагерьларда ял итүче балаларга мастер-класс уздырдылар

Бүген Татарстан Республикасының архив эше буенча дәүләт комитетында җәйге лагерьларда ял итүче балалар өчен мастер-класс һәм экскурсия булып узды.

Мастер-класс архивның генеалогия нигезләренә багышланган иде, аны дәүләт архивының директор урынбасары Илдар Шафиков алып барды. Балалар нәсел шәҗәрәсе төзегән вакытта эшне нәрсәдән башларга икәнен белделәр, шулай ук тарихи документлар белән таныштылар.

Мастер-класс беткәч балалар күргәзмә залына юл тотты. Ул Россиядә игълан ителгән театр елына багышланган иде. Анда Казан яшь тамашачылар театрының директоры, актер һәм режиссёр Фәрит Хәбибуллинның шәхси архивыннан документлар, фотосурәтләр урын алган иде. Шулай ук экскурсовод Татарстанда театрның барлыкка килүе турында сөйләде, эксклюзив тарихи видеолар күрсәтелде.

Автор, фото: Г.Шәрәпова

Иң мөһим һәм кызыклы язмаларны Татмедиа Telegram-каналында укыгыз


Ошый
386
0
0
Комментарийлар (0)
Cимвол калды:
Зәмирәдән акча таптыралар
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Инфоролик
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы