Кабан күле яр буенда зур тантана узды

Бүген Казанның Кабан күле яр буенда танылган татар дин эшлеклесе һәм галиме Шиһабетдин Мәрҗәнигә һәйкәл ачылды.

Тантанада ТР Президенты Рөстәм Миңнеханов, Татарстан Дәүләт Киңәшчесе Минтимер Шәймиев, Казан Мэры Илсур Метшин, Татарстан мөфтие Камил Сәмигуллин һ.б катнашты.

Рөстәм Миңнеханов чыгышын Мәүлид бәйрәме белән котлавыннан башлады. «Бүген без татар халкының бөек улы − дин белгече һәм фәлсәфәчесе Шиһабетдин Мәрҗәнигә һәйкәл ачабыз. Үзенең хезмәтләре белән ул татар халкы мәгърифәтенә зур өлеш кертә. Әлеге проектны ашыруда катнашкан һәркемгә рәхмәтемне белдерәсем килә», − дип ассызлаклады ТР Президенты.

Минтимер Шәймиев исә үз чиратында Шиһабетдин Мәрҗәни дөньяви танылган эшлекле, аның хезмәтләре бик озак өйрәнеләсе хакында әйтте. «Шиһабетдин Мәрҗәни – безнең горурлык, халкыбызның байлыгы. Аның турында, тарихка салган өлеше турында сөйләргә кирәк, галимнең күпкырлы эшчәнлеген кешеләргә таныту − зарури. Бүгенге көндә арткан туристлар агымы вакытында бу бигрәк тә актуаль», − дип белдерде ул.

Һәйкәл куйдыру Шиһабетдин Мәрҗәни тууына 200 ел булу кысаларында узды. Һәйкәл бөек татар сынчысы Бакый Урманче проекты буенча ак мәрмәрдән эшләнгән», − дип хәбәр итә ТР Президенты матбугат хезмәте.

Фәнүзә Сираҗиева

Фото: kzn.ru сайтыннан

Иң мөһим һәм кызыклы язмаларны Татмедиа Telegram-каналында укыгыз


Ошый
372
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы