Камал театры Марсель Сәлимҗановның соңгы спектаклен видеоязмада күрсәтә

Камал театры үзенең легендар режиссеры Марсель Сәлимҗановның соңгы спектаклен видеоязмада күрсәтә. Спектакль театрның «Камал мәктәбе» проекты кысаларында 18 гыйнварда тәкъдим ителәчәк. Башлана – 18.00 сәгатьтә.

«Баскетболист»«Камал мәктәбе»нең 13нче видеоспектакле.

Видеоязманы караганнан соң спектакльдә катнашкан артистлар һәм экспертлар белән фикер алышу булачак. Катнашалар – Ренат Таҗетдинов, Зөлфирә Зарипова, Илдус Габдрахманов, Хәлим Җәләй, Фәнис Җиһанша.

Экспертлар буларак театрның баш рәссамы Сергей Скоморохов, театрның музыка бүлеге мөдире Фуат Әбүбакиров, журналист һәм театр белгече Галина Зәйнуллина, драматург Мансур Гыйләҗев, галим һәм җәмәгать эшлеклесе Айрат Фәйзрахманов, сәнгать белгече Рауза Солтанова катнаша.

«Баскетболист» спектакле татар театры тарихына Марсель Хәким улы Сәлимҗанов куйган соңгы спектакль буларак кереп калды. «Спектакльне матбугатта хәтта режиссерның «васыяте» дип тә атадылар», дип искәртә оештыручылар.

«Камал мәктәбе»  театр тамашачылары өчен белем бирү проекты. Проект кысаларында лекторийлар, мастер-класслар, ток-шоу форматында легендар спектакльләрнең видео язмалары күрсәтелә, экспертлар һәм тамашачылар белән әңгәмәләр уздырыла. Проектның максаты  сәхнә сәнгате аша яңа белем биреп, тамашачыларны театр сәнгате дөньясына тарту.

Автор: Рузилә Мөхәммәтова

Фото: Рамил Гали

Чыганак: татар-информ

 

Иң мөһим һәм кызыклы язмаларны Татмедиа Telegram-каналында укыгыз


Ошый
226
0
0
Комментарийлар (0)
Cимвол калды:
Винера Ганеева ире үлгәннән соң беренче тапкыр сәхнәгә чыгачак
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Наркотикларга – юк! 12+
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы