Камал театры «Яшьләр сишәмбесе» проектын башлый

22 октябрьдән башлап Галиәсгар Камал исемендәге Татар дәүләт академия театры «Яшьләр сишәмбесе» проектын оештыра башлый, аның кысаларында ай саен сишәмбе көнне репетицияләр урынына спектакльләр куячак. Бу хакта Хөкүмәт йортында узган 2019-2020 елларда театраль сезон ачылуга багышланган брифингта театрның баш режиссеры Фәрит Бикчәнтәев хәбәр итте.

«Беренче премьераны без 22 октябрьдә күрсәтәчәкбез. Ул «Яшьләр сишәмбесе» дип атала һәм без һәр ай саен сишәмбе көнне шундый форматта эшләр алып барырга телибез. Бу көн – репетицияләр көне һәм бу уңайдан бер кичтә 18.00 сәгатьтән 20.00 сәгатькә кадәр тамашачыларыбызга өч пьеса бүләк итәргә булдык», — диде Фәрит Бикчәнтәев.

Театр хезмәткәрләре проектка шулай ук «Өч пьесалы ике антракт» дигән исем дә биргән. “Яшьләр сишәмбесе” проекты спектакльләренең премьерасы Камал театрының кече залында узачак. Сөмбел Гафарованың «Парковка», Энҗе Гыйззәтованың «Ишекләр» һәм Гүзәл Сәгыйтованың «Томан» әсәрләре куелачак. Спектакльләрдә Мәдәният институтының өченче һәм дүртенче курс студентлары да катнаша.

«Ике антракт вакытында без спектакльләргә килүчеләр белән аралашачакбыз. Проектта шулай ук яшь музыкантлар да катнашачак, аның кысаларында шагыйрьләр, рәссамнар белән очрашулар узачак, алар үз эшләрен тәкъдим итәчәк», — дип билгеләп үтте режиссёр.

Фото: Рамил Гали/архив

Автор: Зилә Мөбәрәкшина

Иң мөһим һәм кызыклы язмаларны Татмедиа Telegram-каналында укыгыз


Ошый
770
0
0
Комментарийлар (0)
Cимвол калды:
СӘНГАТЬТӘ ДӘ БАШНЫ ЭШЛӘТЕРГӘ КИРӘК!
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
2 декабрь 2022 - 10:55
329
0
1
"Авылда ныграк тазарам"
23 ноябрь 2022 - 11:30
1457
0
1
«Шушы көнгә калдым үзем дә».
23 ноябрь 2022 - 09:35
974
0
0
"Яңа татар пьесасы"
17 ноябрь 2022 - 10:10
2261
0
1
АЗАТ ФАЗЛЫЕВНЫҢ ӘТИСЕ ВАФАТ...
11 ноябрь 2022 - 15:15
1616
2
1
Танучылар булырмы икән?
2 ноябрь 2022 - 10:47
2753
0
0
Кияүгә чыгам! Иртәгә...
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы