Камал театрының яңа бинасында «Камал кичләре» узды

Уенның идея авторлары Татарстанның атказанган артистлары Миләүшә Шәйхетдинова һәм Гөлчәчәк Гайфетдинова. «Казан кичләре»нең беренче уенына Татарстанның халык артистлары Илдус Габдрахманов һәм Эльмира Кәлимуллина, Татарстанның атказанган артисты Алсу Каюмова, Татарстанның атказанган сәнгать эшлеклесе Эльмир Низамов, популяр җырчы Илгиз Шәйхразиев, Кариев театры актрисасы Рузанна Хәбибуллина, «Ялкын» кавер төркеме кунак буларак чакырылган иде. Бүгенге көндә популяр «Шоу Тудей», «Гуд найт шоу» күңел ачу программалары үрнәгендә оештырылган бу уен артистларга да, тамашачыларга да ошады. Катнашучылар ике төркемгә бүленде. Һәр төркемгә, тамашачылар арасында сораштыру оештырып, сорауларга кем күбрәк җавап бирүгә карап, ике тамашачы-командир сайлап алынды. 2 сәгатькә якын вакыт эчендә 7 турда командалар театр темасына кагылышлы уеннарда көч сынашты.