«Казан Егетләре» - Сездә!

«Казан Егетләре» төркеме гастроль турларына чыга!

18 ноябрьдә 15:00 сәгатьтә Лаеш районы Мәдәният йортында, 19 ноябрьдә 14:00 сәгатьтә Питрәч районы Мәдәният йортында «Татарстаным минем, сиңа!» проекты тәкъдир ителәчәк.

Программада халык музыка кораллары белән бергә төркемнең иң популяр җырлары яңгыраячак: «Тала-тала», «Җомга», «Ак чәчәкләр», «Яшьлегемә кайтам», «Каеннарым» һәм башкалар!

Проект Татарстан Республикасы Мәдәният министрлыгы белән берлектә эшләнгән. «Татарстаным минем, сиңа!» проектының төп идеясе һәм максаты - Татарстан Республикасының һәр муниципаль районы турында җырлар җыентыгы аудиосын булдыру юлы белән, гражданнарның туган якка кызыксынуын арттыру һәм аларның иҗади потенциалын ачу. Җырларда район тормышының бүгенгесе һәм киләчәге, танылган шәхесләр, уңышлар, табигать, туган якның якты тарихлары мактала.

Билетларны Пушкин картасы программасы кысаларында да алырга мөмкин.