Казанда узган Нәүрүз бәйрәме төрле милләттән булган меңнән артык кешене бергә җыйды

(Казан, 24 март, “Татар-информ”, Алмаз Шиһабетдинов). Бүген, 24 март көнне, Казанда узган Нәүрүз бәйрәмендә төрки халыклар үз мәдәниятләре белән таныштырды. Казан ипподромына Нәүрүз бәйрәменә меңнән артык кеше килде. Килгән кунаклар Татарстан халыклары Ассамблеясе сәнгатькәрләре һәм эстрада җырчылары башкаруында концерт карый алды.

Бәйрәм башланыр алдыннан катнашучылар, дуслык билгесе буларак, күккә шарлар очырды.

Нәүрүздә катнашучы халыклар үз мәдәниятләре белән бергә аш-суларын да тәкъдим итте. Бәйрәм кунаклары казанда пешкән пылаудан, шашлыктан һәм башка тәм-томнардан авыз итә алды.

Нәүрүзне үз иткән татар, башкорт, азербайҗан, афган, казах, кыргыз, үзбәк һәм башка халыклар үз мәдәниятләрен, гореф-гадәтләрен чагылдырган йорт әзерләгәннәр. Һәр халык вәкиле йорт янына килгән кунакларны үз халкының тарихы, мәдәнияте белән таныштырды, кунак итте.

“Нәүрүз”гә күп кенә мәртәбәле кунаклар чакырулы иде. Татарстанның Дәүләт Советы рәисе Фәрит Мөхәммәтшин “Нәүрүз”не Дуслык бәйрәме буларак билгеләде.

"Һәр халыкның ашлары, киемнәре, традицияләре, гореф-гадәтләре - һәммәсе дә иң яхшылардан. Һәм бүген без моны күрә алабыз. Нәүрүз - күпмилләтле республикабызның мәдәни муенсасындагы чын энҗе бөртеге”, - диде ул.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
319
0
0
Комментарийлар (0)
Cимвол калды:
«Юл кырыенда ята» – Хәмдүнә Тимергалиева кайда җирләнгән
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы