Казандагы футбол кырлары алга таба балалар спорты өчен кулланылачак

Казан стадионнарында төзелгән футбол кырлары алга таба балалар спорты үсеше өчен дә кулланылачак. Бу хакта бүген IT- паркта  Дөнья чемпионатының шәһәр матбугат үзәгендә Татарстанның төзелеш, архитектура һәм торак-коммуналь хуҗалык министры урынбасары Владимир Кудряшев хәбәр итте.

Аның әйтүенчә, Футбол буенча дөнья чемпионатына спорт инфраструктурасы инде былтыр Конфедерацияләр кубогына ук әзер булган диярлек.

Ул “Рубин” һәм “Электрон” стадионнарында тренировка мәйданчыкларының 2016 елда ук гамәлгә кертелгәнен искәртте. Былтыр кубок алдыннан “Ташаяк” Үзәк стадионда тренировкалар уздыру өчен мәйданчыклар әзерләнгәнен билгеләп узды. Тагын дүрт мәйданчыкның быел март-апрельдә әзерләнеп бетеп файдалануга тапшырылганын әйтте.

Министр урынбасары быел Чемпионатка әзерләнгән җанатарлар фестивале территориясенең һәм “Кәҗә бистәсе” метро станциясеннән ясалган променадның мирас булып калуын белдерде.

Владимир Кудряшев тренировка мәйданчыкларында иң мөһиме кырлар булуын билгеләп узды. Ул барлык объектларның балалар спорты үсеше өчен дә файдаланылачагын әйтте. “Каядыр яңа, каядыр реконструкцияләнгән футбол кырлары барлыкка килде бездә. Алга таба футбол кырларын ясалма өслекләргә алмаштыру күздә тотыла”, - дип әйтте.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
238
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы