Казанга Кыш бабай килгән!

Ышансагыз ышангыз, ышанмасагыз – юк, әмма узган ялларда Казаныбызга Кыш бабай килеп киткән. Шәһәребездә яшәүче балалар белән очрашу НТВ телеканалы «АиФ» оешмасы белән берлектә оештырылган. Бөек Устюгта яшәүче Кыш бабай моңа кадәр Красноярск шәһәрендә булган. Сәфәрен Мәскәүдә тәмамларга җыена.

1 һәм 2 нче декабрь көннәрендә Татарстан башкаласында Кыш бабай әти-әнисез тәрбияләнүче ятим балалар һәм сәламәтлекләре какшаган сабыйлар белән очрашкан. Аның төп маскаты – шул балаларга ярдәм итү һәм могҗизага ышанучы олылар белән танышу.

Киләсе ике ай эчендә тылсымлы карт шулай Томск, Барнаул, Кемеров, Новосибирск, Омск, Төмән, Екатеринбург, Челәбе, Пермь, Ижау, Түбән Новгород, Саратов, Краснодар, Воронеж, Тула, Санкт-Петербург, Череповец, Вологда, Ярославль шәһәрләрендә яшәүче авыр хәлдә калган балалар белән очрашырга ниятли. Аның белән бергә НТВ каналының алып баручылары да сәяхәт итә. Алар dedmoroz@ntv.ru адресы буенча хат язган һәрбер бала белән танышырга тели.

«Салават күпере» журналы хезмәткәрләре Кыш бабайга бу изге эшендә уңышлар тели һәм бу проектны оештырган һәрбер кешегә рәхмәтләрен җиткерә!

Автор: Зилә Хөснетдинова

Фото: www.ntv.ru

Иң мөһим һәм кызыклы язмаларны Татмедиа Telegram-каналында укыгыз


Ошый
495
0
0
Комментарийлар (0)
Cимвол калды:
Фирдүс «җырлый белмисең», дип көлде...
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы