(Казан, 23 май, "Татар-информ"). Казанның "Көнчыгыш" автовокзалыннан яңа Мәскәү-Казан-Мәскәү маршруты ачыла. Бу турыда Татарстан Транспорт һәм юл хуҗалыгы министрлыгы матбугат хезмәте хәбәр итте.
Уңайлы автобуслар Казаннан 19.30 сәгатьтә сишәмбе, пәнҗешәмбе һәм шимбә көннәрендә китә һәм Мәскәүгә "Новогирево" автостанцисенә 06.30 сәгатьтә килә. Кире якка рейслар – дүшәмбе, чәршәмбе һәм җомга көннәрендә 22.00 сәгатьтә кузгалып китә һәм Казанга 09.00 килеп җитә. Маршрут Чабаксар һәм Түбән Новгород аша үтә.
- "Көнчыгыш" автовокзалы “Казан” агросәнәгать паркыннан ерак түгел урнашкан һәм 06.30дан 20.00 сәгатькә кадәр эшли. Вокзалга кадәр 5, 33, 34, 63, 71 һәм 197 нче номерлы шәһәр автобусларында барып җитәргә була.
Шулай ук Казан-Яр Чаллы-Казан муниципальара маршрут расписаниесында үзгәрешләр кертелә.
- "Көнчыгыш" автовокзалыннан автобуслар Яр Чаллыга көн саен 06:40; 08:40; 11.30; 13.40; 14.50; 18.00 китәләр. Кире якка Яр Чаллы автостанциясеннән - 06.30; 07.30; 11.30; 13.40; 16.30 һәм 18.00 сәгатьтә.
- татар-информ
