Көтелмәгән хәл!

Талантлы җырчы, татар һәм башкорт эстрадасының популяр артисты Радик Юльякшин (Elvin Grey) көтелмәгән адым ясады.

Рус телевидениесенең гаугалы «Дом-2» тапшыруын барыбыз да белә. Әлеге тапшыруның беренче алып баручылары Ольга Бузова һәм Ксения Бородина халыкка шушы тапшыру аша танылды. Хәзер исә Бузова белән Бородина үзләренең махсус проектын тәкъдим иттеләр. Каршы алыгыз – «Бородина против Бузовой» тапшыруының чираттагы кунагы безнең Elvin Grey.

Җырчы биредә үзенең берничә ел элек йөргән кызы Алинә Галимова белән күрешә. Радик белән ташлашканнан соң кыз «Дом-2» проектына яңа мәхәббәт эзләргә килә.

Алинәнең Радик белән кабат очрашуы бер генә сорау уята: кызның артист егеткә карата ярату хисе әле дә бармы?

Сорауга җавап – «Бородина против Бузовой» тапшыруының яңа чыгарылышында.