Әлфия Авзалова Актаныш музеена үзе биргән экспонатларга башка музейлар кызыга

(Казан, 24 гыйнвар, «Татар-информ», Рузилә Мөхәммәтова). Легендар татар җырчысы Әлфия Авзалова үз куллары белән Актаныштагы Туган якны өйрәнү дәүләт музеена тапшырган документларына башка музейлар да кызыга башлаган. Бу хакта “Татар-информ” хәбәрчесенә Актаныш музее директоры Мирсил Әһлетдинов әйтте.

Билгеле булганча, Татарстанның халык, Россиянең атказанган җырчысы Әлфия Авзалованың бөтен дәүләт бүләкләре, документлары, егермегә якын концерт костюмы – барлыгы 120 берәмлек экспонат Актаныштагы Туган якны өйрәнү дәүләт музеенда саклана.

“Аларны безгә исән чагында – 2005 елларда ук Әлфия Авзалова үзе тапшырып калдырды. Хәзер шуны бездән алу буенча эш алып баралар, Әлфия апа вафат булгач исләренә төште. Әмма безнең аларны беркемгә дә бирәсебез килми, - диде Мирсил Әһлетдинов. – Аны бит Әлфия апа үз күңеле кушканга, үз туган ягы музее дип үз куллары белән тапшырган бит инде. Шул тапшырган чактагы фоторәсемнәре бар”.

Актаныштагы Туган якны өйрәнү музее район үзәгендә өч катлы бинада урнашкан. Музей фонды – 16 мең экспонат. Әнәк авылындагы Шәрип Шәймиев музей-йорты – Актаныш музееның филиалы булып тора.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
335
0
0
Комментарийлар (0)
Cимвол калды:
Гөлназ Асаеваның хәле начарайган
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы