Мәскәүдә «Энҗе бөртекләре» иҗат фестиваленең гала-концерты була

21 октябрьдә Мәскәүнең Татар мәдәнияте үзәгендә Габдулла Тукай исемендәге Х «Энҗе бөртекләре» Балалар иҗат фестиваленең гала-концерты узачак. Бу хакта Татарстан Республикасының Россия Федерациясендәге Вәкаләтле вәкиллеге матбугат хезмәте хәбәр итә.

Фестивальдә Мәскәү төбәген тәкъдим итүче төрле милләт балалары катнашкан.Бәйгедә катнашучылар өч яшь төркемендә тәкъдим ителгән. Беренче төркем – 5 яшьтән 9 яшькә, икенчесе – 10 яшьтән 13 яшькә, өченче төркем 14 яшьтән 18 яшькә кадәрге конкурсантларны үз эченә ала.

Конкурс вокаль жанр, вокаль ансамбль, хореография, нәфис сүз, Габдулла Тукай исеме белән бәйле әсәрләрне башкару һәм инструменталь жанр номинацияләре буенча үткәрелгән.

Гала-концертта Әстерханнан килгән кунаклар һәм үткән еллардагы лауреатлар: виртуоз баянчы Айдар Сәлахов, Мәскәү филармониясе солисты Камил Фәхретдинов, халыкара конкурслар лауреаты Сәрия Рахмани һ.б. катнаша.

Тамаша 15.00 сәгатьтә башлана. Керү ирекле. 

Чыганак: татар-информ

фото: tatmsk.tatarstan.ru

 

Иң мөһим һәм кызыклы язмаларны Татмедиа Telegram-каналында укыгыз


Ошый
283
0
0
Комментарийлар (0)
Cимвол калды:
Айсылу Габдинова: Илфак Шиһаповның соңгы көннәре минем белән узды, аның нәрсә кичергәнен бик яхшы беләм
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Останови огонь
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы