Мәскәүдә Камал театры филиалын булдырырга тәкъдим иттеләр

Мәскәүдәге Бахрушин исемендәге Дәүләт театр музее генераль директоры Дмитрий Родионов һәм Россия Дәүләт Думасының милләтләр эшләре комитеты рәисе, татар федераль милли-мәдәни автономиясе җитәкчесе Илдар Гыйльметдинов Мәскәүдә Г. Камал театры филиалы буларак татар театрын булдырырга тәкъдим иттеләр. Бу хакта «Мәскәү татарлары Штабы» матбугат хезмәте хәбәр итә.

Әлеге тәкъдим Мәскәүдә Камал театры гастрольләрен ачу тантанасы кысаларында «Марсель Сәлимҗанов театры» күргәзмәсендә яңгырады.

Мәскәүдә татар театрын торгызу идеясе үзенең актуальлеген югалтмый. 2017 елда «Татар штабы» лидеры Рөстәм Ямалиев «Атна вакыйгалары» газетасына биргән интервьюсында Мәскәүдә Г.Камал исемендәге театр филиалын булдыру кирәклеген билгеләп үткән иде.

«Мәскәү татарларына, тел һәм мәдәниятне саклау өчен, татар театры кирәк. Театр зур мегаполиста безнең мәдәни оазиска әверелер иде. Камал театры гастрольләрен дә ел саен үткәрергә кирәк. «Ак калфагым төшердем кулдан» спектакле татарларның күп кенә глобаль проблемаларын күрсәтте», – диде Ямалиев.

 

Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
394
0
0
Комментарийлар (0)
Cимвол калды:
«Русланны мин күңелемдә кичердем, әммә кире кайтулар булмаячак!..»
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Минзәлә театры Сабир Өметбаев бюстын аның туган авылына бүләк итте
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы