Май бәйрәмнәрендә Кукмарада төсле музыкаль фонтан ачылды

Әлеге фонтан Президент программасы буенча эшләнгән.

Кукмара, 4 май, "Татар-информ","Хезмәт даны"). Яз һәм Хезмәт бәйрәме көнне Кукмараның Җиңү паркы каршындагы мәйданда Президент программасы нигезендә эшләнгән төсле музыкаль фонтанны ачу тантанасы булды, дип яза kukmor-rt.ru сайты.

Бу тамашаны карага йөзләгән кеше җыелды. Шулай ук бәйрәм кунакларына районның үзешчән артистлары, иҗат коллективлары әзерләгән матур концерт та тәкъдим ителде. Чарада катнашучыларны район башлыгы Сергей Димитриев сәламләде.

"Бүген бездә истәлекле вакыйга – Президент программасы ярдәмендә төзелгән фонтанны ачу тантанасы. Әлеге фонтан киләчәктә шәһәр халкының яраткан ял итү урыны булыр дип ышанам", - диде ул.

татар-информ