Миңнеханов: ТАССР 100 еллыгы заманча дәүләтчелекнең башлангычы турында искәртә

Татарстан Президенты Рөстәм Миңнеханов бүген Татарстан Дәүләт Советының яңа чакырылышына беренче тапкыр еллык Юлламасында республиканың тиздән ТАССРның 100 еллыгын билгеләп үтәчәген искәртте. Ул бу дата аркылы республикага нигез салыну тарихына игътибар юнәлүен әйтте.

Президент бу бәйрәмнең федераль дәрәҗәдә үтәчәген билгеләп үтте. «Бу датаны бәйрәм итү турында федераль карар өчен без Россия Президентына рәхмәтле», - диде Миңнеханов.

«ТАССРның 100 еллык юбилее безнең игътибарны республикага нигез салынуга һәм заманча дәүләтчелегебез башлануга юнәлтә», - диде ул.

Президент бәйрәм чараларының тиздән республиканың барлык даирәләрендә башлануын хәбәр итте. Шул исәптән мәдәният хезмәткәрләреннән игътибарны җәлеп итәрлек эшләр көтелүен әйтте.

Президент шулай ук тиздән композиторлар Җәүдәт Фәйзинең, Салих Сәйдәшевның, язучы һәм драматург Нәкый Исәнбәтнең юбилейлары билгеләп үтелергә тиешлеген искәртте. «Бу түгәрәк даталар бөек ватандашлар иҗаты аша күпмилләтле халкыбызның бай иҗади һәм рухи тормышын ачу мөмкинлеген бирә», - диде Миңнеханов.

Автор: Алсу Исмәгыйлева

Фото: Владимир Васильев

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
493
0
0
Комментарийлар (0)
Cимвол калды:
Гөлназ Сәфәровадан шәп яңалык!
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Инфоролик
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы