Миләүшә Хәбетдинова романнарны электрон челтәрдә урнаштырырга кирәк дип саный

(Казан, 28 март, “Татар-информ”, Ләйлә Хәкимова). Филология фәннәре кандидаты Миләүшә Хәбетдинова “Татар-информ” хәбәрчесе белән әңгәмәсендә романнарны электрон челтәрдә урнаштырырга кирәклеген әйтте.

“Романнар электрон челтәрдә басылмый. Авторлык хокукларын саклыйлармы, белмим инде. Яшь буын хәзер планшеттан китап укый. Аларга кәгазь китап кирәкми дә, вакытлары булганда укыйлар”, - ди Миләүшә Хәбетдинова.

Филология фәннәре кандидаты язучы Фәүзия Бәйрәмованың “Һиҗрәт” романын мисал итеп китерде. “Китапларның анонсларын рус, инглиз телләрендә яңгыратырга кирәктер. Кеше Интернетта утыра, бу анонсны күрә. Фәүзия Бәйрәмованың китабын эзләп йөрим, кайдан сатып алырга да белмим. “Казан утлары”нда беренче бүлеге генә басылды бит, бер китап кибетендә юк. Кайдан табарга бу китапны? Димәк, аны электрон челтәрдә урнаштырырга кирәк. Үз акчасына чыгаргандыр инде ул китапны, сәбәбе дә бардыр. Себер татарларының Күчем ханнан бирле тарихын укучылар шушы китаптан гына алырга мөмкин бит. Татар тарихын мәктәпләрдә бүген өйрәнмиләр. Моның интригасын табып, реклама ясарга була бит. Үз тарихыңның ак тапларын юк итә торган китап бит бу. Анда риторика бар, публицистика бар. “Һиҗрәт” романы кайчан чыккан инде, Интернетка кереп карадым, бер фикер юк. Фәүзия апаның интервьюлары гына эленеп тора. Бер язучы да бу китап турында фикер әйтмәгән, бер белгеч тә чыгыш ясамаган, электрон челтәрдә юк бернәрсә дә”, - диде ул.

Миләүшә Хәбетдинова интервьюда өлкән буын язучыларына үзенең мөрәҗәгатен җиткерде. “Әсәрләрегезне чыгаргач, яшьләрне җыеп, бу китапларны укып, аралашырга кирәк. Язучылар союзында җыелыпмы, бу китаплар турында сөйләшергә иде”, - ди ул.

Интервьюның тулы вариантын “Интертат” сайтында укырга мөмкин.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
306
0
0
Комментарийлар (0)
Cимвол калды:
«Син җырла, ләкин Хәмдүнә кебек җырлама...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы