Минзәлә театры артисты Рөстәм Зиннуров Бөтенроссия фестиваленең “Өмет” призына лаек булды

Минзәлә Татар дәүләт драма театры артисты Рөстәм Зиннуров Иблис роле өчен Россиянең кече шәһәр театрлары фестиваленең “Өмет” махсус призына лаек булды. Исемлек фестивальнең рәсми сайтына урнаштырылган.

Сабир Өметбаев исемендәге Татар дәүләт драма театры Россиянең кече шәһәр театрлары фестивалендә азәрбайҗан классигы Хөсәен Җәвид әсәре буенча куелган “Иблис” трагедиясе белән катнашты. Режиссеры – Сергей Потапов. Режиссер спектакльдә Иблисне икегә бүлгән – Иблис янында аның күләгәсе дә йөри. Иблис ролен театрның яшь актеры Рөстәм Зиннуров башкарды.

  • Спектакль “Ел вакыйгасы” номинациясендә, Камал театрының “Әтәч менде читәнгә” спектакле белән бергә, “Тантана” республика театр премиясенә лаек булды. Рөстәм Зиннуров "Иң яхшы ир-ат роле" номинациясендә премия номинанты булса да, премия жюриы игътибарыннан читтәрәк калган иде.
  • Кече шәһәр театрлары фестивале Новороссийск шәһәрендә 4 – 11 июнь көннәрендә үтте. Фестивальне оештыручы – Милләтләр дәүләт театры. Фестивальнең сәнгать җитәкчесе – Евгений Миронов. Фестивальдә жюрны Россиянең халык артисты Игорь Скляр җитәкләде.

татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
311
0
0
Комментарийлар (0)
Cимвол калды:
«Синең кебекләр башка юк...»
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Казнага Кагылма
  • Казнага Кагылма
Реклама
FIFA җанатарлары фестиваленнән фоторепортаж
ARTS BILER FORUM
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы