Рөстәм Миңнеханов Алинә Заһитованы Дөнья чемпионатында җиңүе белән котлады

Татарстан Президенты котлау телеграммасында спортчының көчле рухлы булуына һәм осталыгына соклануын әйткән.

Татарстан Президенты Рөстәм Миңнеханов фигуралы шуучы Алинә Заһитованы һәм аның тренеры Этери Тутберидзены  Япониянең Сайтама шәһәрендә узган Дөньч чемпионатында җиңү белән котлады. Бу турыда республика җитәкчесе матбугат хезмәте хәбәр итә.

«Алинә, планетадагы иң көчле фигуралы шуучы булуын раслап, җиңүләр яулавын дәвам итә», — диелгән котлау телеграммасында. Татарстан Президенты спортчының көчле рухлы булуына һәм осталыгына соклануын белдергән.

Ул шулай ук Этери Тутберидзеның профессиональлеген һәм тренерлык талантын да билгеләп үткән, чөнки чемпионнар һәм ярышлар призерлары булган фигуралы шуучылар – аның укучылары.

«Сезнең белән бергә горурланабыз һәм шатланабыз. Сезгә яңа казанышлар һәм зур уңышлар телибез», — дигән Рөстәм Миңнеханов.

Дәвамы: Татар-информ

Иң мөһим һәм кызыклы язмаларны Татмедиа Telegram-каналында укыгыз


Ошый
420
0
0
Комментарийлар (0)
Cимвол калды:
Марат Яруллин: «Авыруны җиңә алмадым, температура 38-38,5 тән төшмәде»
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы
  • Антикоррупция
Реклама
FIFA җанатарлары фестиваленнән фоторепортаж
«Без - Тукай оныклары» төбәкара чатырлы ял аланы (фоторепортаж)
«Сәләт» оешмасының чишмә башы