Рөстәм Миңнеханов «Анна Каренина» иммерсив спектаклендә булды

Татарстан Республикасы Президенты Рөстәм Миңнеханов Лев Толстойның «Анна Каренина» романы буенча шул исемдәге беренче Казан иммерсив спектакль-сәяхәтендә булды. Бу хакта ТР Президенты матбугат хезмәте хәбәр итә.

Спектакль Демидов йортында узды. Әсәрнең төп режиссеры – «Җанлы шәһәр» хәзерге заман сәнгатенә ярдәм фондына нигез салучыларның берсе, театр режиссеры Диана Сәфәрова.

Иммерсив спектакльдә тамашачы, сәхнәдәге вакыйгаларны карап кына калмыйча, вакыйгаларда үзе катнаша.

Фото: Рамил Гали

Чыганак: татар-информ